Modail de Thaigh-tasgaidh Ulapuil
Taigh-tasgaidh Ulapuil

Tha am modail seo de dh’Eaglais Thelford ann an Ulapuil cuideachd a’ sealltainn togalach Taigh-tasgaidh Ulapuil! Bha creideamh na phàirt chudromach de bheatha na Gàidhealtachd anns an naoidheamh linn deug ach is iomadh coimhearsnachd aig nach robh eaglais. Ann an 1823, chuir Riaghaltas Bhreatainn Achd tro Phàrlamaid a thug seachad airgead gus eaglaisean is mansaichean a thogail ann an àiteachan aig nach robh àite adhraidh. Chaidh an t-innleadair catharra Albannach Tòmas Telford a bharantachadh gus planaichean a dhealbhachadh airson nan eaglaisean agus chaidh trithead ’s a dhà de na ‘Eaglaisean Telford’ no na ‘h-eaglaisean pàrlamaid’ sin a thogail air feadh na Gàidhealtachd is nan Eilean eadar 1826 agus 1833. Chaidh eaglais Ulapuil a chrìochnachadh ann an 1829.

Bha na h-eaglaisean innleachdach ann an iomadach dòigh. Chuir iad cuideam air cho cudromach ’s a tha dealbhadh sìmplidh, sùbailte agus air prìs reusanta. Bha an taobh a-staigh gu math lom a rèir cleachdaidhean na h-Eaglaise Clèirich agus ghabhadh e coithional de faisg air còig ceud neach.

Bhiodh an t-seirbheis adhraidh glè shìmplidh agus b’ e seinn nan sailm meatrach an aon seòrsa ciùil. Chaidh am foirm seo de na sailm a chruthachadh gus daoine a chuideachadh gus an ionnsachadh agus an tuigsinn gu sgiobalta. Dhùin an eaglais ann an 1935 agus tha i air aithneachadh mar an tè mu dheireadh de dh’eaglaisean Telford anns an robh an dealbhadh tùsail agus an taobh a-staigh ann an deagh staid. Anns na 1980an, chaidh mu fhichead de na modailean seo a bharantachadh gus airgead ath-leasachaidh a thogail gus am b’ urrainn dhan togalach a bhith na dhachaigh do chruinneachadh Taigh-tasgaidh Ulapuil.

Gluais thairis air an dealbh gus sùmadh a-steach

Ceann-latha: 1980-1990
Stuthan: Plàstair
Meudachd: 16cm x 11cm x 7cm

Faic goireasan ionnsachaidh
Air ais dhan duilleig rannsachaidh
Faic duilleag an taigh-tasgaidh
Dh’fhaodte gun còrd nas leanas riut:
Skip to content