Dagaichean Melville
Taigh-tasgaidh Ulapuil

’S ann le Raibeart Melville, a bha cudromach ann a bhith a’ stèidheachadh Ulapul, a bha na dagaichean comhlannachd sgeadaichte seo.

Chaidh am baile a stèidheachadh ann an 1788 le Comann Iasgach Bhreatainn a dh’fhastaich Melville airson a’ chiad thogalaichean agus an cidhe a thogail. Aig deireadh nan 1700an, chruthaich Comann Iasgach Bhreatainn puirt timcheall comas na h-Alba gus gnìomhachas iasgach an sgadain a bhrosnachadh.

Bha e furasta sgadan a ghlacadh ann an uisgeachan na h-Alba agus bha fèill mhòr air bho luchd-seilbh planntachasan thràillean anns na h-Innseachan an Iar. Bha an t-iasg a’ tabhann stòr saor de phròtain agus dh’fhaodadh sgadan saillte mairsinn ann am baraillean fad grunn mhìosan air an t-slighe fhada thar a’ Chuain Siar.

Dh’fhàs mòran bhailtean iasgaich tro bhith a’ reic sgadan saillte saor agus chaidh faisg air dà thrian den iasg a chaidh às-mhalairt à Alba aig deireadh nan 1700an do na h-Innseachan an Iar. Ach cha do mhair soirbheas iasgach Ulapuil. ’S e iasg imrich a th’ anns an sgadan agus ghluais na sgaothan sgadain air falbh bho chosta an iar na h-Alba anns na bliadhnaichean mu dheireadh de na 1700an. Thòisich eaconamaidh Ulapul air crìonadh agus ann an 1803 bha Raibeart Melville banc-bhriste agus chaidh na togalaichean aige ann an Ulapuil agus an stuth a chaidh a reic gus na fiachan aige a phàigheadh.