Bogsa snaois le James Fowler
Taigh-tasgaidh Taigh a’ Ghroinn

Chaidh am bogsa snaois seo a ghràbhaladh gu brèagha le teachdaireachd bho shaor-thoilich thaingeil Ros an Ear. B’ e seòrsa de thombaca pùdarrach mòr-chòrdte a bh’ ann an snaois agus bhiodh am bogsa snaois, leis an sgriobt sgeadaichte air, air a bhith na thiodhlac iomchaidh dhan neach a gheibheadh e. B’ e Seumas Fowler a’ Chiad Leifteanant air Saor-thoilich Ros an Ear.  

Tha e na eisimpleir inntinneach air mar, air am faicinn leotha fhèin, nach eil prìomh thùsan fa leth daonnan a’ toirt dhuinn dealbh iomlan de bheatha duine. An dà-rìribh, thàinig inbhe agus beartas James Fowler bho phrothaidean mòra a chaidh a dhèanamh bho na còig planntachasan siùcair aige ann an Iameuga, agus bha iad uile stèidhichte air obair thràillean.    

Air ais air a’ Ghàidhealtachd, chuir am beairteas agus an cliù seo ri ròl cudromach Fowler ann an comann-sòisealta na Gàidhealtachd. A bharrachd air a bhith na sgiobair air Saor-thoilich Ros an Ear bho 1800 gus an deach an sgaoileadh ann an 1802, chaidh a thaghadh cuideachd na Phròbhaist air a’ Chananaich ann an 1817 agus 1827.    

Ann an 1835, fhuair Fowler airgead-dìolaidh airson còrr air 500 daoine fo thràilleachd a shaoradh. Tha seo a’ sealltainn mar a lean na buannachdan dha bho bhith an sàs anns an àm dhorcha seo ann an eachdraidh, mar a bha fìor le mòran eile sa ghinealach aige.