Botal de Chloroform
Taigh-tasgaidh Dualchas Ghleann Comhann

Bhiodh cloroform anns a’ bhotal glainne dhonn seo uaireigin, stuth a bha air a chleachdadh mar anaesthetic. Anns an naoidheamh linn deug, bhathar a’ dèanamh deuchainn air mòran stuthan eadar-dhealaichte mar dhrogaichean a dh’fhaodadh daoine a chumail nan cadal rè obair-lannsa, an dà chuid airson làimhseachadh pian agus gus leigeil le lannsairean obair-lannsa nas iom-fhillte, agus a bheireadh ùine nas fhaide, a dhèanamh. B’ e hypnosis agus acupuncture na h-aon dhòighean eile a bha rim faighinn aig an àm, agus bha iad gu math cuingealaichte.  

B’ e an t-obstetrician Albannach Seumas Simpson a’ chiad neach a chleachd chloroform gu soirbheachail, le bhith a’ feuchainn diofar dòsan air fhèin agus air a cho-obraichean! Bha e gu mòr an sàs ann a bhith a’ cuideachadh le bhith a’ sgaoileadh cleachdadh na droga seo.  

Tha mar a chaidh chloroform a thoirt a-steach a’ sealltainn mar a dh'atharraich tuigse agus dòighean-obrach mheidigeach a thaobh pèin. Ach, chuir seo amharas air cuid, oir bha e a’ dol an aghaidh beachd dhaoine air pian, a bha air a thuigsinn mar fhreagairt bodhaig nàdarra agus do-sheachanta.  

Le chloroform dh'fhaodadh obair lannsa nas fhaide agus nas iom-fhillte a dhèanamh, leis nach fheumadh an obair-lannsa a bhith cho luath tuilleadh. San dòigh seo, bha e na chlach-mhìle chudromach ann an cruthachadh obair-lannsa an latha an-diugh.