Taigh-tasgaidh Dualchas Ghleann Comhann
Gleann Comhann, Baile a’ Chaolais
Suidhichte taobh a-staigh taighean-tughaidh fraoich traidiseanta bhon 19mh linn, tha taghadh neo-àbhaisteach aig Taigh-tasgaidh Dualchas Ghleann Comhann de nithean a’ comharrachadh dualchas an àite agus a’ toirt sealladh dhuinn air eachdraidh na sgìre agus nan daoine.
Ionnsaich mu Mhurt mì-chliùiteach Ghleann Comhann; rannsaich bothan ‘gobhal-sparrach’; gabh pàirt ann an gnìomhan ciùird agus tachartasan eile; coimhead air roghainn gun samhail de thoraidhean ionadail anns a’ bhùth, no dìreach faigh blas de cò ris a bha beatha is obair coltach san àm a dh’fhalbh bhon chruinneachadh againn. Ge b’ e dè an aois a tha thu agus de na cuspairean anns a bheil ùidh agad, tha gu leòr agad ri dhèanamh air latha a-muigh san taigh-tasgaidh sgoinneil seo.
Tursan Sgoile
Co-dhiù tha thu airson turas fèin-stiùirichte a chur air dòigh dhan taigh-tasgaidh gus an cruinneachadh againn fhaicinn no am bu toil leat seisean a chur air dòigh, tha luchd-obrach/saor-thoilich an taigh-tasgaidh a’ dèanamh fiughair ri bhith a’ cur fàilte oirbh.
Ge b’ e dè na planaichean a th’ agad, cuir fios chun an sgioba taigh-tasgaidh againn ro-làimh gus àite a ghleidheadh agus gus dèanamh cinnteach gum bi fìor dheagh thuras agaibh.
Tursan Bhiortail
Ro fhada air falbh airson tadhal?
A bheil e doirbh a dhol air turasan gu taighean-tasgaidh mar thoradh air cuingealachaidhean buidseit?
Na gabh dragh!
Ged nach urrainn dhan taigh-tasgaidh againn bùthan-obrach air-loidhne a dhèanamh aig an àm seo, tha dòighean eile ann san urrainn dhuinn ar cuid eòlais agus na cruinneachaidhean againn a thoirt a-steach dhan chlas agad agus mar sin feuch gun cuir thu post-d gu sgioba an taigh-tasgaidh againn airson barrachd fiosrachaidh.
Tursan teaghlaich
Tha raon de ghnìomhachdan taigh-tasgaidh ann do theaghlaichean le clann de gach aois agus cothrom na cruinneachaidhean againn fhaicinn ann an àrainneachd shàbhailte.
Gus faighinn a-mach dè na gnìomhan agus na goireasan a tha rim faighinn an-dràsta cuir post-d gu sgioba nan taigh-tasgaidh againn tron làraich-lìn againn.
Gnìomhan, Luchdachaidhean a-nuas is Goireasan Didseatach
Briog air a’ phutan gus Cluich is Ionnsachadh
Nithean bhon taigh-tasgaidh seo:
Far a bheil sinn
A' Chàrnaich, Baile a’ Chaolais PH49 4HS : Fosgailte fad na bliadhna, Diluain - Dihaoine 10:00 - 16:00, Disathairne 10:00 - 13:30 (Disathairne gu 16:30 an Lùnastal agus an t-Sultain)