Portraid de Bharbera Fairweather

Tha an dealbh seo a’ sealltainn co-stèidheadair Taigh-tasgaidh Muinntir Ghleann Comhann, a’ Bh-Uas Barbara Fairweather, MBE, na suidhe le cat na h-uchd na dachaigh.

Chaidh a pheantadh leis an neach-ealain Phoebe Isabel Barrow (b.1930) a bha cuideachd na h-urrasair aig an taigh-tasgaidh. 

Bha Barbara fiosrachail mu fharsaingeachd de chuspairean agus sgrìobh i mòran mu chleachdaidhean, traidiseanan agus beul-aithris nam measg; tuathanachas agus sprèidh; agus cuaraidh sglèat Bhaile a’ Chaolais. Fon chathair aice tha leth-bhreac de Highland Heritage, an leabhar aice fhèin a chaidh a sgrìobhadh mar shreath de bhileagan, a chaidh a chruinneachadh ann an 1984 agus a bhuannaich duaisean.