Uaireadair Òr
Taigh-tasgaidh Bhaile nan Granndach

Bha an t-uaireadair seo le Jean Burgess a rugadh ann am Baile nan Granndach ann an 1909. Bha i ag obair ann an Oifis a’ Phuist ann am Baile nan Granndach bho aois ceithir bliadhna deug gu 1941 nuair a ghluais i gu deas gus cuideachadh le obair a’ chogaidh. Às dèidh a’ chogaidh, phòs i Kenneth John Lugg, innleadair siùcair. Shiubhail i fad is farsaing agus bha i fiù ’s an làthair aig ar-a-mach Chiùba anns na 1950an. Tha toll peileir anns an dealbh bainnse aice mar thoradh air blàr gunna a thachair dìreach taobh a-muigh an taighe aice ann an Soledad. Chaidh an t-uaireadair a thoirt dhith airson a seirbheis do dh’oifis a’ phuist ann am Baile nan Granndach.