Litir an Rìgh
Ionad Bailtean na Mara

Tha Ionad Iain Ros na phrìomh phàirt de dh’eachdraidh Bailtean na Mara. B’ e miseanaraidh a bh’ ann an Iain Ros a rugadh ann an taobh sear Rois, agus tha e ainmeil airson a bhith a’ stèidheachadh Eaglais Dongguan ann an Shenyang, Sìona, agus airson a’ chiad Bhìoball Coirianais eadar-theangachadh. Tha Iain Ros gu math cudromach do Chrìosdaidhean an latha an-diugh ann an Coiria a Deas, agus chaidh Ionad Iain Ros, a mhaoineachadh le buidheann Chrìosdail à Coiria a Deas.

Chaidh an litir seo a sgrìobhadh le Gojong, Rìgh Choiria à rìgh-shliochd Joeson, do mhuinntir na dùthcha aige ann an 1866. Chaidh a thoirt seachad leis an Dotair Philip Lee, Cathraiche aig buidheann de dhaoine à Coiria a Deas a tha airson eachdraidh Iain Ros a ghleidheadh.

Dh’eadar-theangaich agus dh’fhoillsich am miseanaraidh Iain Ros am Bìoball rè rìoghachadh Righ Gojoung a’ cleachdadh Coirianais stannardach a ghabhadh a leughadh agus a thuigsinn leis na Coirianaich àbhaisteach (chleachd na clasaichean àrda seòrsa foirmeil de Choirianais nach robh air a tuigsinn gu farsaing taobh a-muigh nan uaislean).

An-diugh, bithear a’ deasbad obair mhiseanaraidhean. Thug iad seachad foghlam cràbhach bhon taobh an iar agus gu tric chuir iad dòigh beatha an taoibh an iar air dòigh. Ach, chaidh casg a chur air creideamhan agus traidiseanan cultarach a bha ann mar-thà, agus uaireannan chaidh an call gu bràth.