Dealbh de bhaile nan iasgairean, Cromba
Taigh-cùirte Chrombaigh

Ann an 1903, thog an dealbhadair ionadail Willie Iain Smith sreath de dhealbhan de na daoine agus de na seallaidhean ann am baile iasgaich Chrombaigh.   

Tha dealbhan mar seo nan clàr sòisealta cudromach mun bhochdainn agus mun chruadal a bh’ ann. Thog Willie còrr is leth-cheud dealbh de dh’iasgairean Chrombaigh agus iad ag obair no ann an suidheachadh nas socraiche air beulaibh an taighean, mar seo.  

Tha e coltach gur e clas air leth a bh’ anns a’ choimhearsnachd iasgaich ann an Cromba, a’ fuireach ann am bothain tughaidh a’ bhaile iasgaich, aig nach robh goireasan ach aig an robh fàilidhean uile-làithreach! Coltach ri iomadh coimhearsnachd iasgaich air a’ chosta an ear, bha an dualchainnt aca fhèin aca. Bha obair fìor chudromach aig na boireannaich, a’ giùlan an cuid fir do na bàtaichean aca, a’ biathadh loidhnichean iasgaich, agus a’ reic an èisg a chaidh a ghlacadh.  

Tha an taigh san dealbh seo fhathast ann, air oir nan rèidhlean agus fo Cheann a’ Bhràighe, ach tha e a-nis air a leasachadh gu mòr agus chan eil e na thaigh-tughaidh tuilleadh. Chithear bhon dealbh seo gun robh teaghlaichean tar-ghinealach a’ fuireach còmhla ann an suidheachaidhean dumlaichte agus mì-shlàinteil. Tha fios againn gun robh dà theaghlach leudaichte a’ fuireach san taigh seo – teaghlach shuas an staidhre agus an teaghlach eile shuas an staidhre.