Stereoscope is Stereoviews
Taigh-tasgaidh Leanabachd na Gàidhealtachd

Tha an stereoscope seo na dheagh eisimpleir bho linn Bhictoria agus tha e ann an staid fìor mhath, a’ sealltainn gur e dèideag a bh’ ann aig an robh meas mòr aig daoine.   

Chaidh an stereoscope a chleachdadh le bhith a’ cur chairtean stereoscopach - air an robh paidhir de dh’ìomhaighean cha mhòr co-ionann - a-steach dhan inneal. Chitheadh an t-sùil chlì aon ìomhaigh agus chitheadh an t-sùil dheas am fear eile aig an aon àm, gus am faca an neach-coimhead aon ìomhaigh 3D.   

An cois an stereoscope sònraichte seo tha 73 stereoviews - an t-ainm a thugadh air cairtean stereoscopic. Tha iad uile a’ sealltainn àiteachan agus comharran-tìre bho air feadh an t-saoghail ann an linn Bhictoria, leithid Tùr Eiffel ann am Paris, an Seòmar Gorm ann an Lùchairt Bhuckingham, agus sealladh tràigh Bhictorianaich.   

Buineadh an stereoscope seo do leanabh fortanach. Ann an linn Bhictoria, 's ann dìreach aig clann bho dhachaighean nas beairtiche a bha leanabachd a tha coltach ri suidheachadh clann an latha an-diugh. Bha cothrom aca air raon nas fharsainge de dhèideagan agus bha ùine cur-seachad aca cuideachd, agus bha dùil gum biodh an fheadhainn bho na clasaichean ìosal a’ dèanamh obair san taigh no fiù 's obair phàighte.