Ìomhaigh den Bhuddha
Taigh-tasgaidh Inbhir Narann

Tha fios againn gun tàinig an ìomhaigh seo de Bhuddha à Mianmar (air an robh Burma roimhe seo). Chaidh a dhèanamh aig àm ìompaireachd Bhreatainn. Mhair riaghladh Bhreatainn ann am Burma bho 1824 gus an d’ fhuair i neo-eisimeileachd mu dheireadh ann an 1948.  

Rè na h-ùine seo, chaidh luchd-cruinneachaidh uasal beairteach, a’ gabhail a-steach an fheadhainn à Inbhir Narann, gu colonaidhean Breatannach, a’ tilleadh le raon de nithean, stuthan agus obraichean ealain a bha annasach agus cudromach gu cultarail.   

Bhathar cuideachd a’ faicinn nan nithean a chruinnich iad mar shamhlaidhean air cliù agus beairteas ìmpireil Bhreatainn. Tha an eachdraidh seo a-nis a’ togail ceist mu dhìth tuigse cultarach, gu h-àraidh leis gun deach mòran nithean a ghabhail gun aire dhan cho-theacsa aca no dhan adhbhar tùsail aca. 

Air a thaisbeanadh air plionta, tha an ìomhaigh seo den Bhuddha air a dhèanamh de mhàrmor no clach-siabainn geal le mion-fhiosrachadh geàrrte den aodann agus den bhodhaig. Tha comharran de pheant duilleag òir agus de dhath geal am broinn cuid de na geàrraidhean, a’ toirt dhuinn beachd air a choltas thùsail a bhiodh air. Gu mì-fhortanach, chan eil fios againn de na suidheachaidhean anns an deach a chruinneachadh.