Bàta-puist Hiort
Taigh-tasgaidh na Gàidhealtachd an Iar

Bhiodh litrichean air an cur ann an soitheach uisge-dhìonach, mar bu trice aotroman chaorach, ceangailte ri puta a rinn iad fhèin. An uair sin, rachadh a chur dhan mhuir agus iad an dòchas gun rachadh iad air tìr air tìr-mòr. Bhathar an dòchas gun cuireadh neach sam bith a lorgadh iad sin air adhart iad gu na daoine dhan robh iad air an cur. Bhathar an dùil gun tigeadh am post air tìr ann an Leòdhas, ach dh’fhaodadh e seachdain no mìosan a thoirt mus ruigeadh litrichean an ceann-ùidhe a rèir na tìde mara. Chaidh a chlàradh gun deach cuid de na bàtaichean-puist air tìr cho fada air falbh ri Nirribhidh.

Bha beatha nan eilean iomallach seo gu math cruaidh agus san Lùnastal 1930 chaidh an t-eilean fhalmhachadh às dèidh iarrtas bho na h-eileanaich agus chaidh na h-eileanan a thrèigsinn. Thàinig am bàta-puist seo dhan taigh-tasgaidh uaireigin ro 1938.